ОХУ-ын Ерөнхийлөгч Владимир Путин барууны орнууд руу довтлох улсуудад зэвсэг нийлүүлэх боломжтой хэмээн барууныханд сануулга өгөв.
Тодруулбал тэрбээр барууны орнууд Украинд зэвсэг нийлүүлж буйг буруушаан ийн анхааруулсан байна.
АНУ тэргүүтэй хэд хэдэн улс Украиныг зэвсгээр хангаж, ОХУ-руу довтлох боломжийг нь нээж буй юм. Энэ шийдвэр нь “маш ноцтой асуудалд” хүргэж болзошгүйг Путин хэлсээр буй.
Тэрбээр “Хэрэв бусад улс бидний газар нутаг руу довтолж, бидэнд асуудал үүсгэж болно гэж үзэж байгаа бол яагаад бид ч бас бусад улсад цохилт өгөх зэвсгийг нийлүүлэх эрхгүй гэж?” гэжээ.
Гэхдээ Путин аль улсуудад зэвсэг нийлүүлэх талаараа дэлгэрэнгүй мэдээлэл өгөөгүй юм.
Саяхан Герман улс Украинд зэвсэг нийлүүлэн, Германы зэвсгээр Оросын нутаг дэвсгэрт цохилт өгөх боломжтой хэмээн мэдэгдсэнийг Путин онцлон буруутгасан байна.
Эх сурвалж: ВВС
°C