Дэлхийн боксын холбооны ерөнхийлөгч, Казахстан улсын Үндэсний олимпын хорооны ерөнхийлөгч, 2003 оны насанд хүрэгчдийн дэлхийн аварга, 2004 оны Афины олимпын мөнгөн медальт тамирчин Геннадий Головкин Монгол улсад иржээ.
Г.Головкин “Аса арена” үргэлжилж байгаа боксын ААШТ үзэж, Монголын үндэсний олимпын хорооны удирдлагуудын урилгаар “Олимпик хаус”-т зочилсон байна.
Энэ үеэр талууд спортын салбар дахь хамтын ажиллагааг өргөжүүлэх, туршлага солилцох, цаашдын харилцааг бэхжүүлэх асуудлаар санал солилцож, үүний дагуу хоёр орны ҮОХ-дын хооронд Хамтын ажиллагааны гэрээнд гарын үсэг зурах асуудлыг зөвшилцсөн байна.
Энэ үеэр боксын спортыг олимпын наадмын хөтөлбөрт хэвээр үлдээх чиглэлд гаргасан амжилт, хоёр улсын спортын хамтын ажиллагаанд оруулсан хувь нэмрийг үнэлэн Казахстаны ҮОХ-ны ерөнхийлөгч Г.Головкиныг МҮОХ-ны “Алтан-Очир” одонгоор шагнажээ.
°C