“Монголын Мистер-2026” Фит гоо зүй ангилалд тамирчин Г.Түмэнжаргал алтан медаль хүртэж “Улсын аварга” болсон бол жүжигчин П.Шүүдэрцэцэг удаах байрыг эзэлж мөнгөн медаль хүртсэн. Тэгвэл П.Шүүдэрцэцэг өөрийн цахим хуудаснаа “Улсын аварга” Монголын Мистер 2026 Монголын Бодибилдинг Фитнессийн Холбоонд Авсан шагналуудаа буцаахаар болсоноо албан ёсоор зарлаж байна! Ийм балиар бохир, заваан шударга бус зүйлийг хүлцээд хүлээн зөвшөөрч чадахгүй нь ээ!!! УУЧЛААРАЙ” гэж мэдэгдэл гаргасан.
Харин Монголын бодибилдинг фитнесийн холбоо хэдхэн минутын өмнө ийм хариу тайлбар албан ёсны цахим хуудаснаа бичлээ.
ТАЙЛБАРТ: “Монголын Мистер 2026” Улсын аварга шалгаруулах тэмцээний бодибилдингийн ангиллын Үнэмлэхүй аваргыг тодруулах үеийн дүнгийн нэгтгэлд бүрэн хяналт тавиагүйгээс шалтгаалан хоёр тамирчны дугаар, нэр солигдон зарлагдсан алдаа гарсан болно.
Уг алдааны хариуцлагыг Ерөнхий шүүгч өөрөө хүлээн зөвшөөрч, ёс зүйн болон мэргэжлийн хариуцлагаа ухамсарлан, өөрийн хүсэлтээр Ерөнхий шүүгчийн албан үүргээс чөлөөлөгдөж, ажлаа хүлээлгэн өгөх хүсэлт гаргаж, түүний гаргасан хүсэлтийг үндэслэн Холбооны Удирдах зөвлөлөөс холбогдох асуудлыг хэлэлцэн шийдвэрлэсэн бөгөөд уг шийдвэрийг үүгээр хүргэж байна.
°C