Узбек улсын нийслэл Ташкент хотноо зохион байгуулагдаж буй Жүдо бөхийн ДАШТ-ий гурав дахь өдрийн хамгийн сүүлийн барилдаан дөнгөж сая боллоо. Өнөөдөр эргтэйчүүдийн 73 кг-д хүч үзсэн манай бөх “Токио-2020” олимпын хүрэл медальт Ц.Цогтбаатар Дэлхийн аварга боллоо.
Манай бөх нэгийн даваанд Израилийн залуу бөх И.Левинийг цэвэр, дараа нь Румыний А.Сулкаг хоёр вазаригаар цэвэр, шөвгийн наймд Канадын А.Маргелидоныг өчих мэхээр цэвэр ялж, шилдэг дөрөвт үлдсэн.
Тэрбээр өнгөрсөн жил Токиогийн олимпод энэ бөхийг мөн өчих мэхээр ялж, хүрэл медаль хүртсэн билээ.
Манай бөх хагас шигшээд Италийн бөх, өнгөрсөн жилийн дэлхийн дэд аварга, Европын аварга М.Ломбардог вазаригаар буулган авч, дэлхийн медальтан болох нь тодорхой болсон юм.
Ингээд аваргын алтан медалийн төлөө Японы аварга Хашимотог "Вазари" үнэлгээгээр ялж Дэлхийн аваргын тав дахь түрүүг эх орондоо авч ирлээ.
Өмнө нь Х.Цагаанбаатар (2009), М.Уранцэцэг (2013), Г.Болдбаатар (2014), Д.Сумъяа (2017) нар дэлхийн аварга болж байлаа.
°C