THE MONGOLZ ШИНЭ БҮРЭЛДЭХҮҮНТЭЙ АНХНЫ ТОГЛОЛТОО ӨНӨӨДӨР ХИЙНЭ

Цахим спортын Counter Strike-2-ын The MongolZ баг шинэ бүрэлдэхүүнтэйгээр анхны албан ёсны тоглолтоо өнөөдөр /2026.07.24/ хийх гэж байна. Тодруулбал тус баг cobrazera-г үндсэн бүрэлдэхүүнээс түр хасаж (bench), оронд нь tikuak, DarkMeister гэсэн тоглогчдыг нэгтгэснээ зарласан.  Шинээр ирсэн тоглогчдын хувьд tikuak өмнө нь The MongolZ-ийн академид байсан бөгөөд Chinggis Warriors багт нэгдсэн ч энэ удаад The MongolZ руу эргэн ирж байна. DarkMeister-ийн хувьд The MongolZ-ийн академиас шууд үндсэн бүрэлдэхүүнд дэвшиж байгаа нь энэ аж. 

Ингэснээр The MongolZ баг

• bLitz-In-game leader (IGL)
• Techno4K
• 910-AWPer
• tikuak
• DarkMeister
• maaRaa-Дасгалжуулагч гэсэн бүрэлдэхүүнтэй боллоо. 

Шинэ бүрэлдэхүүний анхны тэмцээн нь BLAST Bounty Summer 2026 байх бөгөөд Stage 1 шатанд HEROIC багтай учраа таарчээ. Хоёр багийн тоглолт өнөөдөр буюу долоодугаар сарын 24-ний 19:30 цагт эхэлнэ.