БНСУ-д бямба гарагийн шөнө сүнсний баяр тэмдэглэж байсан 154 хүн амиа алдсан хэрэг гарсан. Үүнтэй холбогдуулан тус улсад энэ сарын 5 хүртэл гашуудал зарлаад байгаа. Тэгвэл өнөөдөр БНСУ-ын Дотоод хэргийн сайд Ли Санг Мин парламентын хуралдааны үеэр бүх ард түмнээсээ уучлал гуйлаа. Тэрбээр “Харамсалтай осол гарсанд би ард түмнээс гүнээ хүлцэл өчье. Ард түмний аюулгүй байдлыг хамгаалж чадсангүй" гэжээ.
Ли Санг Мин сайд өмнө нь сүнсний баярын үеэр хэт олон хүний бөөгнөрөл үүссэн байсан нь аврах ажиллагаанд нөлөөлсөн хэмээн мэдэгдсэн нь олны дургүйцлийг хүргээд байсан. Тэгвэл тэрбээр энэ үгэндээ мөн уучлал гуйсан юм. "Эрхэм хүндэт гэр бүлийн гишүүдээ алдсан ар гэрийнхний санаа бодлыг сайтар нягталж үзээгүйдээ харамсаж байна” гэлээ.
°C