АСЕАН-ы дээд хэмжээний уулзалт Камбожийн Пномпоь хотод энэ сарын 11-14 нд зохион байгуулагдаж өндөрлөлөө.
Энэ удаагийн уулзалтаар Мяньмарын нөхцөл байдлыг онцлон авч үзэв. Тус улсад өнгөрсөн жилийн хоёрдугаар сард төрийн эргэлт гарч, цэргийнхэн төрийн эрхэнд гарсан билээ. Үүнээс хойш ардчиллыг дэмжигчдийн эсрэг хүч хэрэглэж олон хүнийг цагдан хорьж байгаа юм. Өнгөрсөн оны дөрөвдүгээр сард АСЕАН болон Мьянмарын цэргийнхэн тус улсад энх тайвныг цогцлоохын тулд таван заалт бүхий зөвшилцлийн баримт бичигт гарын үсэг зурсан бөгөөд үүнд хүч хэрэглэхийг нэн даруй зогсоохыг уриалсан юм. Гэвч уг зөвшилцлийн баримт бичиг үр дүнд хүрээгүйг уулзалтаар онцолж, цэргийнхнийг хүч хэрэглэхээ нэн даруй зогсоохыг уриаллаа. Харин Мяньмарын цэргийнхний зүгээс өөрсдийн төлөөллийг оролцуулалгүй, тэдний үгийг сонсолгүй ийм уриалга гаргаж байгаа эрс буруушааж байгаа юм.
Энэ удаагийн АСЕАН-ы дээд хэмжээний уулзалтад Японы Ерөнхий сайд Кишида Фүмио, АНУ-ын Ерөнхийлөгч Жо Байден, БНХАУ-ын Төрийн зөвлөлийн Ерөнхий сайд Ли Көчян, ОХУ-ын Гадаад хэргийн сайд Сергей Лавров тэргүүтэй төлөөлөгчид оролцлоо.
°C