Украины зэвсэгт хүчин ОХУ-ын хяналтанд байсан Херсон хотыг хяналтандаа буцаан авч, хотын оршин суугчид Украины зэвсэгт хүчний цэргүүдийг баяр хөөртэйгөөр хүлээн авсан. Хэдэн өдрийн өмнө Оросын цэргүүдээс чөлөөлөгдсөн Херсон хотынхон тог, цахилгаангүй харанхуй байгаа ч “Хотод нэг ч Орос цэрэг байхгүй байгаа нь сайхан байна” хэмээн ярьж байна.
Оросын цэргүүд Херсон хотыг орхиж явахаасаа өмнө хотын харилцаа холбоо, ундны ус, халаалт, эрчим хүчний дэд бүтцүүдийг устгажээ. Одоогоор ундны ус, эм тариа, хоол хүнсний хомстолд ороод буй Херсон хотод ойролцоох Николаев хотоос хангамж илгээж байгаа аж.
Дайнаас өмнө тус хотод 320 мянган хүн оршин суудаг байсан бол дайнаас хойш хотын хүн ам 80 мянга орчим болжээ.
Томоохон хотуудынхаа нэгийг эргүүлэн хяналтандаа авсан нь Украины зэвсэгт хүчний хувьд том амжилт хэдий ч Украины эрх баригчид "тайвшрахад эрт байна" гэдгийг анхааруулжээ.
°C