Хүн төрөлхтний спортын хамгийн том баяр Хөлбөмбөгийн дэлхийн аварга шалгаруулах тэмцээн өнөөдөр Катар улсад нээлтээ хийнэ. Нээлтийн арга хэмжээ Монголын цагаар 23:30 цагт эхэлнэ. ДАШТ-ий нээлтэд Катарын дуучин Фахад Аль-Кубаиси реппер Лил Бэйби болон “BTS” хамтлагийн дуучин Жонгүг нар уран бүтээлээ толилуулна. Улмаар зохион байгуулагч Катар улсын шигшээ баг Эквадар улсын шигшээ багтай ДАШТ-ий нээлтийн тоглолтод тоголно.
ДАШТ-ий хэсгийн сугалаагаар 32 шигшээ баг дөрөв дөрвөөрөө найман хэсэгт дараах байдлаар хуваагдсан юм.
· А хэсэг: Катар, Эквадор, Сенегал, Нидерланд
· В хэсэг: Англи, Иран, АНУ, Уэльс
· С хэсэг: Аргентин, Саудын Араб, Мексик, Польш
· D хэсэг: Франц, Австрали, Дани, Тунис
· Е хэсэг: Испани, Коста-Рика, Герман, Япон
· F хэсэг: Бельги, Канад, Марокко, Хорват
· G хэсэг: Бразил, Серби, Швейцар, Камерун
· H хэсэг: Португал, Гана, Уругвай, БНСУ
Энэ удаагийн ДАШТ-ий тоглолтууд “Эль-Байт” цэнгэлдэх хүрээлэн, “Халифа” олон улсын цэнгэлдэх хүрээлэн, “Эль-Тумама” цэнгэлдэх хүрээлэн, “Ахмед Бин Али” цэнгэлдэх хүрээлэн, “Лусаил” цэнгэлдэх хүрээлэн, “Рас Абу Абуд” цэнгэлдэх хүрээлэн, “Education City” цэнгэлдэх хүрээлэн, “Эль-Жануб” цэнгэлдэх хүрээлэн гэсэн найман цэнгэлдэх хүрээлэнд болно.
°C