Катар улсад болж буй хөлбөмбөгийн ДАШТ-ий шөвгийн наймд өрсөлдөх дөрвөн баг тодроод байна. Одоогоор Аргентин, Нидерланд, Англи, Францын шигшээ багууд өрсөлдөгчөө буулган авч, алтан дагины төлөөх өрсөлдөөнд хэвээр үлдээд байна.
Өнгөрсөн шөнө явагдсан Франц Польшийн шигшээ багуудын тоглолтод К.Мбаппе хоёр гоол оруулж, тоглолтын шилдгээр шалгарсан юм. Түүнчлэн Францын шигшээ багийн залуу лидер энэ удаагийн ДАШТ-ийн мэргэн буучийн жагсаалтыг таван гоолтойгоор ганцаараа тэргүүлж эхэллээ.
Өнгөрсөн шөнө явагдсан өөр нэг тоглолтод энэ тэмцээнд өмнөх жилүүдээсээ илүү өнгөтэй байгаа Английн шигшээ баг Африк тивийн шилдэг төлөөлөл болох Сенегалын шигшээг 3:0 ээр буулган авч итгэл төгс шөвгийн наймд шалгарлаа. Тэд хүчирхэг Францын шигшээтэй шөвгийн дөрөвт үлдэхийн төлөө тоголно.
°C