Туркийн өмнөд Сирийн хойд хэсэгт болсон хүчтэй газар хөдлөлтийн улмаас амиа алдагсдын тоо нэмэгдсээр байна. Одоогоор амиа алдагсдын тоо 8000 дөхөж байгаа тул олон улсаас аврагчид гамшгийн бүс нутаг руу ирж байна хэмээн BBC агентлаг мэдээллээ.
Тодруулбал, Турк улсад 5894 хүн амь үрэгдсэн нь тодорхой болоод байгаа бол хөрш Сири улсад 1932 хүн амиа алджээ. Дэлхийн эрүүл мэндийн байгууллага амь үрэгдсэн хүний тоог 20 мянга хүрнэ гэж эмээж байна.
Түүнчлэн 180 мянга орчим хүн нурангид дарагдсан гэж үзэж байгаа аж. Дэлхийн 70 гаруй орон аврах ажиллагаанд оролцохоо илэрхийлж, эхнээсээ Турк улсад хүрэлцэн ирээд байгаа юм. Тэдний дотор Монгол улс багтаж байгаа юм.
Туркийн Ерөнхийлөгч Режеп Тайип Эрдоган гамшигт хамгийн ихээр нэрвэгдсэн 13 сая орчим хүн амыг хамрах арван мужид гурван сарын хугацаатай онц байдал зарласан.
°C