Зүүн Азийн залуучуудын наадмын хөнгөн атлетикийн тэмцээн Налайх дүүрэгт үргэлжилж байгаа бөгөөд Монголын эрэгтэй баг бөөрөнцөг түлхэлт болон 4х400 метрийн холимог буухиа уралдаанаас медаль хүртлээ.
4х400 метрийн холимог буухиад БНХАУ-ын баг 3.32.63 минутын амжилтаар түрүүлж, Хонконгийн баг 3.40.83 амжилтаар удаалсан бол Монголын баг 3.54.51 амжилтаар хүрэл медаль хүртэв. БНСУ-ын баг алдаа гарган дөрөвт орлоо.
Эрэгтэйчүүдийн бөөрөнцөг түлхэлтэд С.Цэрэнжамц хүрэл медаль хүртээд байгаа.
Түүнчлэн, эмэгтэй 3000м-ийн гүйлтэд Д.Ганцэцэг мөнгө, эмэгтэйчүүдийн 1500 м-т Б.Сэлэнгэ хүрэл медаль авсан билээ. Ингэснээр манай хөнгөнийхөн 1 мөнгө, 3 хүрэл медаль аваад байгааг МҮОХ мэдээлэв.
°C