Талбайн теннисний дөрвөн том тэмцээний нэг, оны сүүлчийн их дуулга АНУ-ын нээлттэй тэмцээн өнгөрсөн шөнө дууслаа.
Тэмцээний эрэгтэйчүүдийн ганцаарчилсан төрлийн финалд Испанийн залуу тамирчин Карлос Алкараз Норвегийн Каспер Руудыг хожиж их дуулгад анх удаа түрүүлэв.
2003 онд төрсөн 19 настай Алкараз ийнхүү дэлхийн чансааг тэргүүлсэн хамгийн залуу тамирчин болж түүхэд бичигдсэн ба их дуулгад түрүүлсэн хамгийн залуу нь болсон байна.
Финалд түүний эсрэг 4-6, 6-2, 6-7 (1-7), 3-6 харьцаагаар хожигдсон 23 настай Каспер Руудын хувьд АНУ-ын нээлттэй тэмцээнд анх удаа, энэ онд хоёр дахь их дуулгадаа финалдлаа.
Оны эхэнд Францын нээлттэй тэмцээний финалд Рафаэл Надальд хожигдсон тэрээр дэлхийн чансааны хоёрт эрэмбэлэгдэж эхэлсэн. Тэрээр 2023 оны нэгдүгээр сар хүртэл их дуулгын цом авах мөрөөдлөө хадгалах нь.
АНУ-ын нээлттэй тэмцээний эмэгтэйчүүдийн ганцаарчилсан төрөлд Польшийн 21 настай шинэ "од" Ига Свёнтек Тунисийн Онс Жабеурыг 6-2, 7-6 (7-5) харьцаагаар хожиж АНУ-ын нээлттэй тэмцээнээс анхны, их дуулгаас гурав дахь цомоо өргөлөө. Тэрээр өмнө 2020, 2022 оны Францын нээлттэй тэмцээнд аваргалж байв.
°C