Баянзүрх дүүргийн 19 дүгээр хороонд байрлах “Грийн аппартмент” хотхоны хажуу талын байрлуу тус хотхоноос шугам татаж оршин суугчдыг бухимдуулж байна. Тодруулбал, тус хотхоны яг хажууд баригдаж буй “Тимур констакшн”-ы “Энх-Өргөө” хотхон руу оршин суугчдад урьдчилж мэдэгдэлгүй ус, дулааны шугам татаж, гурав хоног ус тасалж иргэдийг хохироож байгаа аж. Оршин суугчдын хэлж буйгаар шугам татаж, хэрэглээний усыг хязгаарлаж байгаагаас гадна энд тэндгүй ухаж, хүүхдийн тоглоомын талбайг сүйтгэхээс гадна барилгын ханыг хүртэл цоолсон байна.
Хаа сайгүй өвөлжилтийн бэлтгэл ажилдаа ороод буй энэ үед орон сууцны ханыг цоолж, нүх ухаж хажуу байр луу нь шугам татаж иргэдийг хохироож байгаа асуудалд ихээхэн бухимдаж байна. Тус хотхонд 467 өрх байдаг бөгөөд энд амьдарч буй тэдгээр өрхийн амар тайван аж төрөх эрх ноцтой зөрчигдөж байна хэмээн тэд ийнхүү манай редакцид хандсан юм.
Оршин суугчид орон сууцны конторлуугаа хандаж үзсэн боловч зүүн түгээх зөвшөөрсөн гэхээс өөр тайлбар өгөөгүй байна.
467 өрх айл амар тайван амьдарч байхад нэг л өглөө орц гарцыг нь хааж, хүүхдийн тоглоомын талбайг сүйтгэж, хэрэглээний усыг нь тасалж, ханыг цоолж буй энэ үйл явалд холбогдох төрийн байгууллагууд анхаарал хандуулж, арга хэмжээг яаралтай авахгүй бол нийслэлийн хэдэн мянган иргэний эрх өвлийн ид хүйтэнд ноцтой зөрчигдөөд үлдэх нь байна. Түүнчлэн хажуу барилгаасаа шугам татахыг зөвшөөрсөн Зүүн түгээх сүлжээ компанийнхан ч үүнд тайлбар хийх хэрэгтэй болов уу.
°C