Монгол Услан 2023 оны төсвийн төслийг УИХ-д өргөн мэдүүлээд байгаа. Сангийн сайд Б.Жавхлан, Засгийн газар ирэх 2023 оны төсвийн төслийг төрийн хэмнэлтийг хэрэгжүүлж, “Шинэ сэргэлтийн бодлого”-ыг дэмжих, экспортыг нэмэгдүүлэх, макро эдийн засгийг тогтворжуулахад чиглэн боловсруулснаа онцолж буй. Мөн төлбөрийн тэнцлийн алдагдлыг бууруулах, гадаад валютын нөөцийг хамгаалахад чиглэсэн мөнгөний хатуу бодлогыг төсвийн хэмнэлтийн бодлоготой хоршуулан хэрэгжүүлнэ гэж мэдэгдсэн.
Тэгвэл 2023 онд эдийн засаг таван хувиар өсөх төсөөлөлтэй байна. Гадаад секторын тодорхой бус байдал өндөр хэвээр байгаа хэдий ч Засгийн газраас уул уурхайн бүтээгдэхүүний экспортыг цар тахлын өмнөх буюу 2019 оны түвшинд хүргэх бодлогын арга хэмжээнүүдийг авч хэрэгжүүлсэнээр уул уурхайн салбар 2023 онд 14.6 хувиар өсөж, уул уурхай дагасан тээвэр , худалдаа үйлчилгээний салбарууд, цэвэр татварыг дэмжиж, улмаар өсөлтийн дийлэнх хэсгийг бүрдүүлнэ гэж 2023 оны төсвийн төсөлд тусгажээ.
°C