Өнгөрсөн өдрүүдэд "Өргөө" амаржих газрын ажилтнуудын ёсзүйн асуудалтай холбоотой ноцтой баримтууд дэлгэгдэж, олон нийтийн анхаарлыг ихээхэн татаж байгаа. Тус эмнэлгийн дарга Ж.Энхцэцэгийг халсанаар эхэлсэн уг асуудал тус эмнэлгийн ажилтнуудын дунд байдаг булхайтай асуудлууд нэг нэгээрээ илчлэгдсэнээр үргэлжилж байна. Эндээс хамгийн их анхаарал татсан асуудал болох төрсөн эмэгтэйчүүдийн ихсийг эмнэлгийн эмч, ажилтнууд зардаг гэх мэдээлэл гарсан. Тэгвэл цагдаагийн байгууллагаас өнөөдөр олон нийтэд мэдээлэл өгөх үеэрээ дараах зүйлийг хэллээ.
Энэ тухай ЦЕГ-ын Хэвлэл мэдээллийн төвийн дарга Б.Баатархүү “Цахим орчинд ийм мэдээлэл гарсан. Цагдаагийн байгууллага нь олон нийтийн сүлжээ, хэвлэл мэдээллээр гарсан гэмт хэрэг, зөрчлийн шинжтэй зүйл дээр гомдол мэдээлэл бүртгээд, холбогдох шалгалтын ажиллагаа хийдэг. Энэ тал дээр гомдол мэдээллийг нь шалгах ажиллагаа хийгдэж байгаа гэх товч мэдээлэл байна. Гэхдээ хэрэг бүртгэлийн хэрэг нээсэн эсэх болон тогтоогдсон эсэх талаарх тодорхой мэдээлэл одоохондоо гараагүй.
Ямартай ч тухайн мэдээллийг зүгээр хараад өнгөрөөгүй бөгөөд мэдээллийг харсан даруйд шалгаж нягтлах ажиллагаа хийгдэж байна" гэв.
°C