Булган уулыг дархан цаазат газар болгох тухай тогтоолын төслийг өргөн мэдүүллээ

Admin
Өчигдөр

Байгаль орчин, аялал жуулчлалын сайд Б.Бат-Эрдэнэ өнөөдөр (2024.06.03) Улсын тусгай хамгаалалттай газар нутгийн ангиллыг өөрчлөх тухай УИХ-ын тогтоолын төслийг УИХ-ын дарга Г.Занданшатарт өргөн мэдүүлжээ.

Байгаль орчин, аялал жуулчлалын сайд Б.Бат-Эрдэнэ Упсын тусгай хамгаалалттай газар нутгийн ангиллыг өөрчлөх тухай Улсын Их Хурлын тогтоолын төслийг Засгийн газрын хуралдаанаар хэлэлцэн шийдвэрлэсний дагуу холбогдох материалын хамт Монгол Улсын Их Хуралд өргөн мэдүүлж байна хэмээн танилцууллаа.

Тэрбээр, “Алсын хараа-2050" Монгол Улсын урт хугацааны хөгжлийн бодлого, “Монгол Улсын Засгийн газрын 2020 оны 203 дугаар тогтоолоор батлагдсан 2020-2024 оны үйл ажиллагааны төлөвлөгөөнд "Монгол Улс 2024 он гэхэд нийт нутаг дэвсгэрийн 25 хувийг улсын тусгай хамгаалалтад авах зорилтод дэмжлэг үзүүлнэ” хэмээн тодорхойлсон төрийн бодлогын баримт бичгийн зорилтуудыг хэрэгжүүлэх зорилгоор Архангай аймгийн Эрдэнэбулган сумын нутаг дэвсгэрт орших Булган уулын байгалийн дурсгалт газрыг ангилал дээшлүүлэн дархан цаазат газар болгон улсын тусгай хамгаалалтад авахаар Улсын Их Хурлын тогтоолын төслийг боловсруулсан гэлээ.

 Энэхүү тогтоолын төсөлд Архангай аймгийн Эрдэнэбулган сумын нутагт орших Булган уулын байгалийн дурсгалт газрыг ангилал дээшлүүлэн дархан цаазат газар болгохоор улсын тусгай хамгаалалтад авах суурь судалгаа, үндэслэлийг шинжлэх ухааны байгууллагатай хамтран боловсруулж, орон нутгийн ИТХ-аар хэлэлцүүлэн тогтоол гаргуулсан байна. Мөн “Хууль тогтоомжийн тухай” хуулийн 8 дугаар зүйлийн 8.1 дэх хэсэгт заасны дагуу Улсын Их Хурлын тогтоолын төсөлд Хэрэгцээ, шаардлагыг урьдчилан тандан хийсэн судалгаа, Үр нөлөөний үнэлгээ, зардлын тооцоог судалгаа, аргачлалын дагуу хийж, холбогдох яамдуудаас санал авч тусгажээ.

Түүнчлэн, Хууль тогтоомжийн тухай хуулийн дагуу 2024 оны 03 дугаар сарын 11-ний өдөр Байгаль орчин, аялал жуулчлалын яамны met.gov.mn цахим хуудаст тогтоолын төслийг нээлттэй байршуулан, санал авсан байна.

Булган уулыг дархан цаазат газар болгосноор байгалийн өвөрмөц тогтоц, унаган төрх, түүх, соёлын дурсгалууд, ховор амьтан, ургамал, гол мөрний урсац бүрэлдэх эх, ойн сан бүхий газар улсын тусгай хамгаалалтад авагдана хэмээн Улсын Их Хурлын Хэвлэл мэдээлэл, олон нийттэй харилцах газраас мэдээлэв.


0
angry
0
care
0
haha
0
liked
0
love
0
sad
0
wow

Шинэ мэдээ
Хамтдаа шалгая, хамгаалъя 2024/06/26
Гадаадын иргэд ажиллаж амьдрахад хамгийн өндөр өртөгтэй хотуудын эрэмб… 2024/06/18
Путин Хойд Солонгост 24 жилийн дараа төрийн айлчлал хийж байна 2024/06/18
Зочид буудал, дэн буудлын барилга байгууламжийг шалгахад 3385 зөрчил и… 2024/06/18
Зарим ажил олгогч хүүхдэд бага хөлс өгдөг, өөр ажил хийлгэдэг, дуртай … 2024/06/18
АТГ 28 албан тушаалтны хөрөнгө, орлогын мэдүүлгийг шалгажээ 2024/06/18
СЭРЭМЖЛҮҮЛЭГ: Усны ослоор амиа алдсан иргэдийн тоо 3.2 дахин өсжээ 2024/06/18
Дуу цахилгаантай аадар бороо орно 2024/06/18
Гаднын хөрөнгө оруулагчдын эрх ашгийг хамгаалах, хуулийн зөвлөгөө өгөх… 2024/06/18
Сэтгэл зүйн эрүүл мэнддээ анхаарагч байгууллага – Имарт 2024/06/14
Нийслэлийн хэмжээнд гамшгийн шар түвшин тогтоожээ 2024/06/08
Кэмбрижийн их сургуульд Чингис хаан судлалаар судалгаа хийх судлаачдад… 2024/06/08
5 дугаар сургуулийн уулзвараас Их сургуулийн гудамж хүртэлх замыг хааж… 2024/06/08
Монголын анхны дүүжин буюу татлагат гүүрийг 74 сая ам.доллароор барина 2024/06/08
Зайсан тойруугийн замын хөдөлгөөнийг өнөөдрөөс ХУУЧИН ЗОХИЦУУЛАЛТААР я… 2024/06/08
Шүүх хурлын шийдвэр гарч Н.Номтойбаярыг нэр дэвших эрхтэй гэж үзлээ 2024/06/07
"Хувийн хэвшлийн эрх ашгийг хамгаалах байгууллагыг удирддаг тул эрх ба… 2024/06/07
Татгалзсан хариу аваад байсан 154 хүн нэр дэвшигчээр дахин бүртгүүлэх … 2024/06/07
Н.Номтойбаярыг нэр дэвшигчээр бүртгэх нь зөв гэж шүүх үзжээ 2024/06/07
Хүчтэй орсон аадар борооны улмаас аянгад цохиулж нас баржээ 2024/06/07