Өчигдөр Налайх дүүрэгт орсон хүчтэй аадар борооны үеэр хоёр иргэн аянгад цохиулсны улмаас эрүүл мэнд, амь насаараа хохирсон байна.
Мэргэжлийн байгууллагаас түр зуурын хүчтэй аадар бороо орохыг тухай бүр мэдээлж байна. Иймд иргэд цаг агаарын мэдээг тухай бүр хүлээн авч болзошгүй үер ус, аянга цахилгааны аюулаас сэргийлэн, хол ойр зорчихдоо сэрэмжтэй байхыг нийслэлийн Онцгой байдлын газраас анхаарууллаа.
Түүнчлэн хүчтэй салхины улмаас зургаан өрхийн гэр нуржээ. Тодруулбал Төв аймаг, Жаргалант сум Баянбулаг багийн "Баянгол" гэдэг газар /аймгийн төвөөс баруун хойд зүгт 186 км-т, сумын төвөөс баруун урд зүгт 15 км-т/ өчигдөр /2024.06.06/ 17:00 цагийн орчимд борооны өмнөх түр зуурын хүчтэй салхинд зургаан өрхийн гэр, нэг малын саравч нурж, нэг худгийн дээвэр хууларсан тухай мэдээллийг 21 цагийн үед ОБЕГ хүлээн авчээ.
°C