Сагсан бөмбөгийн 3х3 төрлөөр олимпын эрхийн олгох гурав дахь тэмцээн Унгарт хагас шигшээ шатны тоглолтуудаар үргэлжилж байна.
Тус тэмцээнд эхний гурван байрт шалгарсан баг олимпын наадамд оролцох эрхтэй болох байсан.
Хагас шигшээ шатанд манай улсын эрэгтэй шигшээ баг гурван тамирчинтайгаар Францын багийн эсрэг тоглож, 20:21 онооны харьцаатай ялагдал хүлээв. Энэ тоглолтод манай багийн гол тамирчин А.Ананд оролцоогүй юм.
Учир нь тэрбээр шөвгийн найман багийн шатанд Израилийн шигшээгийн эсрэг тоглох үеэр спортын бус алдаа гаргасан гэх үндэслэлээр талбайгаас хөөгдсөн.
Үргэлжлүүлэн тэд хүрэл медалийн төлөө Польшийн шигшээ багийн эсрэг тоглож, нэмэлт цагт 20:22 онооны харьцаатайгаар хожигдлоо. Ингэснээр манай улсын эрэгтэй шигшээ баг тэмцээнээ өндөрлүүлж байна.
°C