Оюутнууд Боловсролын зээлийн сангийн тэтгэлгийн санхүүжилтийг шийдвэрлэхийг шаардаж, үзэл бодлоо илэрхийллээ. Энэ талаар МУБИС-ийн оюутны холбоо өөрийн цахим хуудсандаа “Оюутнуудын үйл ажиллагаа Монгол Улсын Боловсролын Их Сургуулиас эхэлж, Боловсролын зээлийн сан, Боловсролын яам хүртэл үргэлжиллээ.
Бидний тавьж буй шаардлага нэг бөгөөд тодорхой. Оюутнуудад олгохоор шийдвэрлэсэн тэтгэлгийн санхүүжилтийг яаралтай шийдвэрлэж, гэрээгээр хүлээсэн үүргээ биелүүлэхийг шаардаж байна.
Холбогдох байгууллагуудын зүгээс улсын төсвийн тодотгол хийгдэж байгаатай холбоотойгоор уг асуудлын талаар ирэх Даваа гарагт хариу өгөхөөр боллоо.
Бид тухайн хариуг хүлээн авна. Харин ямар хариу өгөхөөс шалтгаалан цаашдын үйл ажиллагаагаа үргэлжлүүлнэ. Боловсролын яам болон Боловсролын зээлийн сан уг асуудлыг бодитоор шийдвэрлэж, оюутнуудын тэтгэлгийн санхүүжилтийг олгох хүртэл бид хуульд заасан хүрээнд үзэл бодол, шаардлагаа илэрхийлсээр байх болно.
Энэ асуудал бол оюутнуудаас үүссэн асуудал биш. Оюутнууд гэрээгээр хүлээсэн үүргээ биелүүлсэн. Одоо холбогдох байгууллагууд хүлээсэн үүргээ биелүүлж, санхүүжилтээ шийдвэрлэх ёстой” хэмээн нийтэлжээ.
°C