2026 оны гуравдугаар улирлын Нэмэгдсэн өртгийн албан татвар (НӨАТ)-ын буцаан олголтыг иргэдийн дансанд шилжүүлж эхэллээ.
Энэ удаагийн буцаан олголт нь 2026 оны долоодугаар сарын 1-нээс есдүгээр сарын 30-ны өдрийг хүртэлх хугацаанд хийсэн худалдан авалтын цахим төлбөрийн баримтад үндэслэж байгаа юм.
Буцаан олголтын ХУВЬ ХЭД ВЭ?
НӨАТ-ын буцаан олголтын ердийн зохицуулалтаар иргэд худалдан авалтад төлсөн НӨАТ-ын 20 хувийг буцаан авдаг. Өөрөөр хэлбэл, НӨАТ ногдсон худалдан авалтын үнийн дүнгийн ойролцоогоор хоёр хувийг буцаан олгодог гэсэн үг.
Тухайлбал, НӨАТ ногдох нэг сая төгрөгийн худалдан авалт хийсэн бол ойролцоогоор 20 мянган төгрөгийг буцаан авах боломжтой.
41 мянга гаруй иргэн буцаан олголтоороо татвараа төлжээ
Энэ удаагийн буцаан олголтоосоо албан татвар төлөх хүсэлтийг аравдугаар сарын 19-23-ны өдрүүдэд ebarimt системээр хүлээн авсан байна. Энэ хугацаанд 41,020 иргэн нийт 779.4 сая төгрөгийн татвараа буцаан олголтоосоо төлжээ.
Иргэд НӨАТ-ын буцаан олголтоороо автотээврийн хэрэгслийн, галт зэвсгийн, үл хөдлөх эд хөрөнгийн, газрын болон малын тоо толгойн албан татвар, авто замын байгууламж ашигласны төлбөрөө төлөх боломжтой байдаг.
НӨАТ-ын буцаан олголтыг улирал тутам олгодог бөгөөд:
Иргэд буцаан олголтын мөнгө орсон эсэхээ ebarimt аппликейшнээр шалгах боломжтой.
°C