Монголын сэтгүүл зүйн салбарын төлөөлөл, сэтгүүлчид оролцсон “1000 сэтгүүлчийн форум” өнөөдөр болж байна. Сэтгүүл зүйн салбарын өнөөгийн нөхцөл байдал, мэргэжлийн ёс зүй, хэвлэн нийтлэх эрх чөлөө, сэтгүүлчдийн аюулгүй байдал, редакцын хариуцлага, олон нийтийн итгэл зэрэг чухал асуудлыг хэлэлцэж, салбарын ирээдүйн хамтын шийдлийг тодорхойлох зорилгоор тус форумыг зохион байгуулж байгаа юм.
МСНЭ-ийн Ерөнхийлөгч Л.Нинжжамц форумын нээлтийн үеэр сэтгүүл зүйн нэрийг барьж мөнгө, ашиг хонжоо нэхэх, мэдээллээр сүрдүүлэх үйлдлийг сэтгүүл зүйтэй адилтгаж болохгүй гэсэн байр суурь илэрхийлжээ.
Форумаар
-Мэргэжлийн ёс зүй ба редакцын хариуцлага - Сэтгүүл зүйн ёс зүйн өнөөгийн нөхцөл байдал, тулгамдсан асуудал - Редакцын бодлого, мэргэжлийн стандарт, хариуцлагын тогтолцоо - Мэдээллийн үнэн зөв байдал, эх сурвалжийн хамгаалалт, олон нийтийн итгэл - Сэтгүүлчийн эрх, эрх чөлөө ба аюулгүй байда - Үзэл бодлоо илэрхийлэх, хэвлэн нийтлэх эрх чөлөө - Сэтгүүлчийн мэргэжлийн үйл ажиллагаанд учирч буй саад, дарамт, эрсдэл - Мэдээлэл авах эрх, төрийн байгууллагын нээлттэй байдал - Сэтгүүлчийн эрхийг хамгаалах хууль эрх зүйн орчин, хамтын ажиллагаа зэрэг сэдвүүдээр илтгэл тавигдлаа. Үдээс хойш хаалттай хэлэлцүүлгээр сэтгүүлчийн мэргэжлийн ёс зүйн тунхагийн төслийг хэлэлцэхээр төлөвлөжээ.
°C