Малчин телевизийн онцгой эрхтэй бүтээл “ Малчид дуулж байна “ шоу нэвтрүүлэг 2026 оноос орон нутаг, бүсэд зохион байгуулагдаж байна. 4 –н сард Өмнөговь аймгийн Даланзадгад хотод зохион байгуулагдаж, 14 сумын 60 гаруй малчид оролцлоо.
Шоу нэвтрүүлгийн шүүгчээр Ардын жүжигчин С. Ганзориг, Гавьяат жүжигчин Т. Батсайхан, соёлын тэргүүний ажилтан Г. Эрдэнэтунгалаг нар ажиллаж, малчин түмэндээ дуу хуурын эгшгэн цэнхэр хадгаа өргөн барьлаа.
Өмнөговь аймгийн Засаг даргын тамгын газар, Иргэдийн төлөөлөгчдийн хурал болон үндэсний үйлдвэрлэгч компаниуд хамтран ажилласан байна.
“Өмнөговьчууд дуулж байна “ шоу нэвтрүүлэг гурван үе шаттай өрнөж, гала тоглолт нь Хөгжимт драмын театрт болж, үзэгчээр дүүрэн байлаа. 5 сараас Малчин телевизээр шоу нэвтрүүлэг цацагдах юм. Аль сумын , ямар малчин түрүүлсэнийг та бүхэн тун удахгүй хүлээн авч үзээрэй.
°C