Өмнөговь аймагт жижиг, дунд үйлдвэрийг дэмжих хүрээнд энэ онд 5.4 тэрбум төгрөгийн хөнгөлөлттэй зээл олгохоор болж, төслийн материал хүлээн авч эхэлжээ. Тус зээлийг Жижиг, дунд үйлдвэрийг хөгжүүлэх сангаас орон нутгийн хамтарсан санхүүжилтээр олгох бөгөөд Хүнс, хөдөө аж ахуй, хөнгөн үйлдвэрийн яам, Жижиг дунд үйлдвэрийн газар болон аймгийн Засаг даргын хамтын гурван талт гэрээгээр хэрэгжиж байгаа юм. Зээл олгох салбарын хувьд, бөөний болон импортын худалдаа, орон сууцны барилгын салбараас бусад жижиг, дунд үйлдвэр, үйлчилгээ эрхлэгчид хамрагдах боломжтой. Хөнгөлөлттэй зээл нь жилийн 5 хувийн хүүтэй, 5 хүртэл жилийн хугацаатай, үндсэн төлбөрөөс 12 сар хүртэл чөлөөлөх нөхцөлтэй байна. Зээлийг үндсэн болон эргэлтийн хөрөнгөд зориулан олгох юм. Зээлийн хүсэлтийг www.sme.gov.mn сайтаар дамжуулан хүлээн авах бөгөөд хугацаа нь тавдугаар сарын 5-ны 17:30 цаг хүртэл үргэлжилнэ.
°C