"НИТХ-ын тогтоол, Нийслэлийн Засаг даргын захирамжийн хүрээнд эзэнгүй нохой, муурыг хамгаалах, тоо толгойг нь зохистой аргаар хязгаарлах зорилгоор 24 цагийн турш тасралтгүй үйл ажиллагаа явуулж байна. Нийслэлийн дүүргүүдийн ТҮК болон хороодоос сард дунджаар 100-300 нохой, муурыг хүлээн авч байна.
Түр асрамжлах байранд ирсэн нохой, муурыг малын эмч хүлээн авч иж бүрэн үзлэгт хамруулж, шаардлагатай эмчилгээг хийж байгаа. Түр асрамжлах байр сард 50 орчим сая төгрөгийн урсгал зардалтайгаар ажиллаж байна. Үүнд, эм тариа болон идэш хоол гэх мэт олон зүйлс хамаарч байгаа юм.
Нөгөөтэйгүүр, эрүүл амьтдад үржил хязгаарлах мэс засал болон халдварт өвчнөөс сэргийлэх вакцин давхар хийдэг. Үүнээс гадна өвчтэй болон ядарсан амьтдыг тусгаарлан сувилж, аюулгүй орчинд тэжээн хамгаалдаг. Түр саатуулах байранд ирсэн амьтдыг хүсэлт гаргасан иргэдэд үрчлүүлэх үйл ажиллагааг тогтмол зохион байгуулдаг" талаар Нийслэлийн мал эмнэлгийн Ерөнхий газрын мэргэжилтэн н.Цолмонгоос мэдээллээ.
Эзэнгүй нохой, муурын тоо толгой ихэссэнээр мал амьтан өвчлөх, галзуурах, тухайн өвчлөл малын махаар дамжин хүнд халдварлах эрсдэл нэмэгддэг байна. Монгол Улсын хэмжээнд нэг жилд 6900 хүн, Улаанбаатар хотын хэмжээнд 3000 хүн галзуу нохойд уруулж, ноцуулж, хазуулж, шүлсдүүлсний улмаас галзуугийн вакцинд хамрагдсан байдаг. Эдгээрийн 36.5 хувь нь 0-16 насны хүүхэд багачууд юм.
°C