“Эрдэнэс Монгол” нэгдлийн гүйцэтгэх захирал Б.Даваадалай АНУ-аас Монгол Улсад суугаа Онц бөгөөд Бүрэн эрхт Элчин сайд Ричард Буанган тэргүүтэй төлөөлөгчдийг өнөөдөр хүлээн авч уулзлаа.
Уулзалтаар нэгдлийн хэрэгжүүлэхээр төлөвлөсөн төсөл хөтөлбөрт хөрөнгө оруулалт татах, үйлдвэрлэлийн үйл ажиллагаанд шинэ технологи, инноваци, ноу-хау нэвтрүүлэх болон салбарын хүний нөөцийн чадавхыг бэхжүүлэх зэрэг асуудлын талаар санал солилцов.
Монгол Улс болон Америкийн Нэгдсэн Улс хооронд байгуулсан стратегийн түншлэлийн хүрээнд хоёр улсын харилцаа тогтвортой өргөжин хөгжиж буй юм. Цаашид "Эрдэнэс Монгол" нэгдэл болон АНУ-ын хөрөнгө оруулагчид, аж ахуйн нэгж, байгууллагууд хооронд хамтын ажиллагааг уул уурхайн салбарт өргөжүүлэх нь чухал болохыг талууд онцоллоо.
°C