Сүүлийн өдрүүдэд сургууль орчмын бүсэд бага насны хүүхдүүд авто ослын хохирогч болсон хэд хэдэн тохиолдол гарсан. Эдгээр осолууд жолооч хурдаа тохируулж яваагүйгээс болсныг камерын бичлэгээс харж болно. Тэгвэл Замын хөдөлгөөний дүрэмд зааснаар жолооч хорооллын дотор болон сургууль орчмын бүсэд 20 км/ц-аас хэтрэхгүй хурдлах ёстой гэж заажээ. Үүнийг барьж, замын хөдөлгөөнд оролцвол сургууль, цэцэрлэг орчмын осол багасна. Мөн замын төлөвлөлт хийхдээ үүнийг онцгой анхаарах шаардлага гарч байгаа юм.
Хөдөлгөөний аюулгүй байдалд хамгийн чухал зүйл бол эцэг эхчүүд хүүхдээ хүргэж өгч, авахад машинаа тавих талбай, орц, гарц сургуулийн орчинд заавал байх ёстой. Гэтэл манай ихэнх сургуулиудад ийм талбай байдаггүй. Тиймээс хүүхдүүдээ зам дээр буулгадаг, эсвэл хүүхдээ авах гэж түгжрэл үүсгэдэг байдлаас шалтгаалан хүүхдээ сургуулиас нь зайтай буулгах зэрэг нь хүүхэд сургууль орчмын бүсдээ зам тээврийн ослын хохирогч болохыг эрс нэмэгдүүлж байна.
°C