Монгол улс цахим үндэстэн болох зорилт тавьсан. Үүнийгэээ сүр дуулиантайгаар зарлаж, өнгөрсөн жил дроны шоуг зохион байгуулсан билээ. Түүнчлэн Цахим хөгжлийн яам хүртэл байгуулаад байгаа.
Бид ийнхүү цахим үндэстэн болох бэлтгэл ажлаа хангаж, өөрсдийгөө цахим үндэстэн хэмээн дотооддоо зарлаж суух зуур дэлхийн улс орнуудын дижитал өрсөлдөх чадварын эрэмбийг гаргахад манай улс Венесуэл улсын өмнө буюу 63 орноос 62-т эрэмбэлэгджээ. Тодруулбал, Дижитал өрсөлдөх IMD буюу Швейцарын бие даасан эрдэм шинжилгээний байгууллагаас дэлхийн улс орнуудын дижитал өрсөлдөх чадварын эрэмбийг гаргахад Монгол улс 63 орноос 62-т бичигдсэн тухай lemonpress мэдээллээ.
Дижитал өрсөлдөх чадварын зэрэглэлийг мэдлэг, технологи, ирээдүйн бэлэн байдал гэсэн гурван үндсэн шалгуураар үнэлж гаргадаг аж. Тэгвэл уг гурван шалгуурт манай улс хараахан бэлэн биш байгаа бөгөөд бүх шалгуурт сүүл мушгижээ.
Уг жагсаалтыг Дани улс тэргүүлж, АНУ удаалсан байна. Түүнчлэн Ази тивээс Сингапур улс дөрөвдүгээрт, БНСУ наймдугаарт, Хонгконг долоодугаарт байрт бичигдсэн байна. Харин технологийн өндөр хөгжлөөрөө дэлхийд дээгүүрч бичигддэг Япон улс энэ жил 29 дүгээр байрт бичигдэн түүхэн доод түвшинд хүрчээ. Энэ нь бизнесийн уян хатан байдал, олон улсын туршлага зэрэг шалгуурт муу үнэлгээ авсантай холбон тайлбарлажээ.
Дашрамд дуулгахад, Монгол улс бизнесийн уян хатан байдлаараа инфляци барьж дийлхээ больж үндэсний мөнгөн тэмдэгт нь цаас болон хувирсан Венесуэл улсын ард бичигджээ.
°C