Монгол Улсад орчин цагийн уул уурхайн салбар үүсгэн байгуулагдсаны 100 жилийн ой, Уул уурхайн салбарын дээд боловсролтой үндэсний мэргэжилтэн бэлтгэж эхэлсний 50 жилийн ойг тохиолдуулан тус салбарын хөдөлмөрийн баатар, гавьяатнуудын нэрэмжит “Оюутны эрдэм шинжилгээний хурал”-ыг хоёр үе шаттай зохион байгуулахаар болжээ.
Хурлыг АМГТГ, ШУТИС-ын Геологи, уул уурхайн сургууль, Монголын уул уурхайн ассоциацаас санаачлан хамтран зохион байгуулах юм.
Оюутнуудыг судалгаа шинжилгээний ажилд оролцуулах, дадлагажууснаар багш оюутны хамтын ажиллагааг хөгжүүлэх,, онол практикийн мэдлэгийн уялдаа холбоог сайжруулах,, шинжлэх ухаан, үйлдвэрлэлийн холбоог нягтруулах,, судалгаа шинжилгээний ажлын цар хүрээг тэлэх, судлаачдын бүтээлээр дамжуулж салбарын тулгамдсан асуудлыг шийдвэрлэх зэрэг олон давуу талтай юм. Мөн уул уурхайн салбарт үр бүтээлтэй ажилласан алба хаагчдаа залуу хойч үеийнхэнд таниулах зорилго, ач холбогдолтой аж.
°C