Ерөнхий сайд Л.Оюун-Эрдэнэ Дорнын эдийн засгийн VII чуулганд оролцож байна

Монгол Улсын Ерөнхий сайд Л.Оюун-Эрдэнэ ОХУ-ын Владивосток хотноо жил бүр зохион байгууллагддаг Дорнын эдийн засгийн VII чуулганд оролцож байна.  Тус чуулганд Монгол Улс анх удаа Ерөнхий сайдын түвшинд оролцож байгаа юм. Ерөнхий сайд Л.Оюун-Эрдэнэ чуулганы нэгдсэн хуралдаанд оролцож үг хэлэхдээ Шинэ сэргэлтийн бодлогын боомт, эрчим хүч, аж үйлдвэрийн хөгжлийн төслүүдийн талаар танилцуулж, Монгол Улс бүс нутгийн хэмжээнд идэвхтэй түншлэн ажиллахад бэлэн гэдгээ илэрхийллээ. Б.ЧОЙЖИЛСҮРЭН: ТЭЦ-3-ЫН ХҮЧИН ЧАДЛЫГ 300 МВТ-ААР НЭМЭГДҮҮЛЭХ ТӨСЛИЙГ ОХУ-ТАЙ ХАМТРАН ХЭРЭГЖҮҮЛНЭ

Чуулганд оролцож буй Эрчим хүчний сайд Б.Чойжилсүрэн өөрийн салбарын зарим асуудлаар ОХУ-ын талтай яриа хэлэлцээ хийжээ.

Тэрбээр, Эрчим хүчний салбарт ОХУ-тай хамтарч хэд хэдэн төсөл хэрэгжүүлэхээр ажиллаж байна. Эхнийх нь ТЭЦ-3 дулааны цахилгаан станцыг хүчин чадлыг 300МВт-аар нэмэгдүүлэх хүсэлтээ илэрхийлсэн. ТЭЗҮ-ийг хийж дуусгасан. Манай яамны болон Эрчим хүчний хөгжлийн төвийн мэргэжилтнүүд энэ төсөл дээр ажиллаж байна. Дорнын эдийн засгийн чуулганы үеэр ОХУ-ын Эрчим хүчний сайдтай өнөөдөр уулзаж, урьдчилсан хэлэлцүүлгүүдийг хийлээ. Төслийн санхүүжилтийн асуудлыг хоёр улсын Сангийн яамны түвшинд хэлэлцэж эхэлсэн. Хоёрдугаарт, Эгийн гол УЦС-ын төслийг ОХУ-ын талаас сонирхож эхэлсэн. Гуравдугаарт, Манай улс эрчим хүчний импортыг хараат байдалтай. Энэ жил шаардлага үүсвэл ОХУ-аас 220 кВт-ын өндөр хүчдэлийн шугамынхаа дээд хүчин чадалд тулгаж эрчим хүчний эх үүсвэрээр найдвартай хангана гэсэн яриа хэлэлцээрт хүрлээ гэв.