Японы нийслэл Токио хотын Рёогокү Кокүгикан ордонд мэргэжлийн сумо бөхийн Хацү башё 15 өдөр үргэлжилж өнөөдөр өндөрлөлөө.
Тус тэмцээнд Монголын сумоч, залуу озеки Хоошёорюү С.Бямбасүрэн 12 даваа, гурван унаатайгаар түрүүлж, Японы эзэн хааны цомыг хоёр дахиа гардлаа. С.Бямбасүрэн Хацү башёгийн сүүлчийн өдөр түрүү булаалдахын төлөө хоёр нэмэлт барилдаан хийсэн бөгөөд Казахстаны сумоч Кинбозан, их аварга Тайхогийн зээ хүү Оохо нарыг давсан юм. Энэ түрүү нь озэки Хоошёорюү С.Бямбасүрэнгийнх болов. Түүний ёкозуна болох эсэхийг Мэргэжлийн сумо бөхийн Удирдах зөвлөл болон Ёкозүнагийн зөвлөл шийдвэрлэнэ.
Хэрэв тус зөвлөлөөс дэмжвэл Хоошёорюү С.Бямбасүрэн мэргэжлийн сумогийн 74, Монголоос төрөн гарсан зургаа дахь ёкозуна цолтон болно.
Сумод их аварга Хакүхо М.Даваажаргал 45, Асашёорюү Д.Дагвадорж 25, ёкозуна Тэрүнофүжи Г.Ган-Эрдэнэ 10, Харүмафүжи Д.Бямбадорж ес, Какүрюү М.Ананд зургаа, озэки Хоошёорюү С.Бямбасүрэн, маэгашира Тамаваши Б.Мөнх-Оргил, Киришима Б.Лхагвасүрэн нар тус бүр хоёр, Кёкүтэнхо Н.Цэвэгням, Ичиножёо А.Ичинноров нар тус бүр нэг удаа түрүүлсэн юм.
°C