Энэ жил нөөцийн махны хүрэлцээ муу байснаас шалтгаалан 1 килограмм үхрийн мах 30 мянган төгрөг давж ард иргэдийн амьдралд хүндээр нөлөөлсөн . Тиймээс Улаанбаатар хотын Захирагчийн ажлын албанаас 6-р сарын 24-с эхлэн жижиглэн худалдааг зогсоож, нийслэлийн 9 дүүрэгт нөөцийн махны өргөтгөсөн худалдааг зохион байгуулах шийдвэрийг гаргасан . Энэхүү худалдаагаар хонины махыг гулуузаар нь килограммыг нь 13 мянган төгрөгөөр , үхрийн савласан махыг килограммыг нь 15 мянган төгрөгөөр худалдаалж байгаа нь зах зээлийн үнээс 2 дахин хямд үнэтэй байгаа юм. Өргөтгөсөн худалдааны цэгүүд 6-р сарын 30-ныг хүртэл өдөр бүр 10:00-17:00 цагийн хооронд ажиллаж байгаа ч нөөцийн махны хангалт муу байгаагаас болж иргэд бүтэн өдөржин дугаарлах шаардлага үүсээд байна. Мөн энэхүү худалдаа 7-р сарын нэгнээр дуусч нөөцийн махны худалдаа бүрэн зогсох юм.
°C