Япон улсын Нагоя хотод болж буй Азийн пара спортын наадамд Монгол Улсын баг өндөр амжилт үзүүлж байна. Өнөөдөр болсон пауэрлифтингийн 107 кг-ын жинд Хөдөлмөрийн баатар, гавьяат тамирчин Э.Содномпилжээ алтан медаль хүртлээ.
Тэрбээр сүүлийн оролдлогоор 246 кг-ыг амжилттай өргөж, жиндээ түрүүлснээр mөрийн дууллаа эгшиглүүллээ. Э.Содномпилжээгийн хамгийн хүчтэй өрсөлдөгч болох дэлхийн рекордыг эзэмшигч Ираны тамирчин Альакбар 245 кг-ыг өргөж, мөнгөн медаль хүртсэн юм. Хөдөлмөрийн баатар, гавьяат тамирчин Э.Содномпилжээ Азийн гурван наадмаас хоёр алт, нэг мөнгөн медаль (“Жакарта-2018”-аас алт, “Ханжоу-2022”-өөс мөнгөн, “Нагоя 2026”-гаас алт) хүртсэн тамирчин боллоо.
Ингэснээр Монгол Улсын баг дөрвөн алт, хоёр мөнгө, нэг хүрэл медальтайгаар 13-р байрт жагсаж байна. Манай багаас маргааш пара байт харвааны эмэгтэй баг хүрэл медалийн төлөө харвана.
°C