“Улаанбаатар-2023” Зүүн Азийн залуучуудын наадмын жүдо бөхийн тэмцээн “Степпе-Аренад” өнөөдөр эхэлж байна.
Жүдо бөхийн тэмцээнд 8 орны 56 жүдоч эрэгтэй, эмэгтэй тус бүр зургаан жинд барилдаж, аваргуудаа тодруулна. Өнөөдөр тэмцээний эрэгтэй 55кг, 60 кг, 66кг, эмэгтэй 44 кг, 48 кг, 52 кг-ын жингийн барилдаан болох юм.
Манай улсаас 12 жүдоч хүч үзэхээс өнөөдөр эрэгтэй 55кг-ын жинд С.Мөнх-Оргил, 60 кг-ын жинд Б.Мөнгөнхуяг, 66 кг-ын жинд Ж.Энхсайхан, эмэгтэйчүүдээс 44 кг-ын Ц.Отгонжаргал, 48 кг-ын жинд Н.Ундрахбаяр, 52 кг-ын жинд Т.Ариунзаяа нар зодоглоно.
Зүүн Азийн залуучуудын наадамд Монголын багийн дасгалжуулагчаар ОУХМ Б.Баасандорж, Г.Отгонцэцэг, наадмын шүүгчдийн бүрэлдэхүүнд олон улсын А зэрэглэлийн шүүгч Д.Энхтүвшин, Ш.Баясгалан, З.Сүхчулуун ажиллаж байна.
Спортын 12 төрлөөр зохион байгуулагдаж буй Зүүн Азийн залуучуудын наадамд 11 орны 808 тамирчин өрсөлдөж, 226 дасгалжуулагч, Азийн спортын холбоодийн техникийн зөвлөл болон шүүгчдийн 123 төлөөлөгч, дотоодын 191 шүүгч, техникийн ажилтан, сайн дурынхан зэрэг 2600 гаруй төлөөлөл оролцож байгаа.
°C