Филиппин улсын нийслэл Манила хотод тансаг зэрэглэлийн үл хөдлөх хөрөнгийн үнэ 27 хувиар өсжээ
Тансаг зэрэглэлийн үл хөдлөх хөрөнгийн үнэ Азийн хотуудад эргэн сэргэлээ. Тухайлбал: тансаг зэрэглэлийн орон сууцны үнэ энэ оны эхний улиралд Филиппин улсын нийслэл Манила хотод 27 хувиар, Японы нийслэл Токиод 13 хувиар, Энэтхэгийн Мумбайд 12 хувиар өссөн байна. Харин Нью-Йорк, Лондон зэрэг томоохон хотод тансаг зэрэглэлийн үл хөдлөх хөрөнгийн үнэ хоёр гаруй хувиар буурсан үзүүлэлттэй байгаа юм.
Улс орнуудад бодлогын хүү өндөр, эдийн засгийн унах болгоомж давамгайлж байгаа нь АНУ, Европт тансаг зэрэглэлийн үл хөдлөх хөрөнгийн үнэ буурахад нөлөөлжээ.
Хэдий тийм боловч зах зээлийг том зураглалаар нь харвал дөрвөн хувиар өссөн үзүүлэлттэй байна. Эдийн засгийн өсөлт өндөр, чинээлэг хөрөнгө оруулагчдын тоо нэмэгдсэн нь үүнд голлон нөлөөлж байгаа аж.
°C