Монгол Улсын сайд, Түгжрэлийг бууруулах үндэсний хорооны дарга, сайд Ж.Сүхбаатар түгжрэлийг бууруулах ажилдаа идэвхийлжээ. Тэрбээр эхний ээлжинд иргэд, олон нийтийн дунд хэлэлцүүлэг өрнүүлж, санал шийдлийг нь нэгтгэх юм байна. Ингэснээр хаа хаанаа түгжрэлийн зовлонгоо зөөллөх нэг арга гэж үзсэн бололтой.
Энэ талаараа тэрбээр “түгжрэлийн сэдэв намайг шүүмжлэх замаар хүчээ авч байгаа нь сайн хэрэг. Харин түгжрэлийн эсрэг бодлого, менежмент дээр илүү тойрч яривал улам бүтээлч болно. Түгжрэлийн асуудлаар иргэн болгон өөрийн шийдэл-саналтай байгаа нь харагдаж байна. Надад олон зуун хүн өөрийн саналаа ирүүлсэн. Тэдний байр суурь, мэдээллийг нэгтгэн ойлголцол бүрдүүлэх нь хаа хаанаа түгжрэлийн зовлонгоо зөөллөх арга зам. Цаашид олон нийтийн хэлэлцүүлэг хийж саналаа нэгтгэх нь чухал учраас Сайдын хувьд үүнийг анхаарч ажиллана” хэмээв.
°C