Монгол Улсын төр, нийгмийн нэрт зүтгэлтэн, Монгол Улсын Ерөнхий сайд асан Жамбын Батмөнхийн мэндэлсний 100 жилийн ойн өдөр МАН-ын дарга, УИХ-ын дарга Н.Учрал түүний хөшөөнд цэцэг өргөн хүндэтгэл үзүүллээ.
Жамбын Батмөнхийн мэндэлсний 100 жилийн ой өнөөдөр тохиож байгаа юм. Хөшөөнд цэцэг өргөн хүндэтгэл үзүүлэх ёслолд Монгол Ардын намын Нарийн бичгийн дарга Н.Энхбаатар, Б.Пүрэвдагва, М.Цэлмүүн, ЗГХЭГ-ын дарга С.Бямбацогт, УИХ дахь Монгол Ардын намын бүлгийн дарга Ж.Батжаргал, УИХ-ын гишүүн Ж.Галбадрах, Д.Рэгдэл болон намын газар, хэлтсийн дарга нар, ажилтнууд, ахмадууд, залуучууд, иргэдийн төлөөлөл, намын дэргэдэх байгууллагын удирдлагууд оролцлоо.
Хүндэтгэл илэрхийлэх ёслолд Мөн энэхүү арга хэмжээний хүндтэй зочид нь Жамбын Батмөнх агсны зээ дүү Д.Энхбаатар, Т.Оюун нарын гэр бүлийнхний төлөөлсөн 10 гаруй хүн оролцлоо.
Монгол Улсын төр, нийгмийн нэрт зүтгэлтэн, Монгол Улсын Ерөнхий сайд асан Жамбын Батмөнх нь Увс аймгийн Хяргас суманд энэ өдөр төрсөн бөгөөд тус сумын Улаанбаатар дахь нутгийн зөвлөлийнхөн цэцэг өргөх ёслолд хүрэлцэн ирж хүндэтгэл илэрхийлсэн юм.
°C