Аймаг, нийслэл, сум, дүүргийн иргэдийн Төлөөлөгчдийн Хурлын 2026 оны нөхөн сонгууль зургадугаар сарын 21-ний өдөр зохион байгуулагдана. Сонгуулийн бэлтгэл ажлын хүрээнд аймгийн иргэдийн Төлөөлөгчдийн Хурал дөрөвдүгээр сарын 12-ноос өмнө аймгийн сонгуулийн хороог байгуулсан бол сумдын ИТХ дөрөвдүгээр сарын 22-ноос өмнө сумын сонгуулийн хороог байгуулахаар ажиллаж байна. Үүнээс гадна сумын сонгуулийн хороод тавдугаар сарын 7-ноос өмнө хэсгийн хороодыг байгуулж, олон нийтэд мэдээлэх юм.
Сонгуулийн ерөнхий хорооноос сонгуулийг зохион байгуулах хүрээнд холбогдох байгууллагуудад чиглэл хүргүүлж, төрийн албан хаагчдын нөөц бүрдүүлэх, цахим системд бүртгүүлэх, сургалтад хамруулах ажлыг эхлүүлжээ. Мөн сумын сонгуулийн хороод байгуулагдсаны дараа цахимаар арга зүйн зөвлөмж өгөх юм.
°C