УИХ дахь Ардчилсан намын бүлэг өнөөдөр хуралдана. Тус хуралдаанаар Ардчилсан намын бүлгийн даргыг сонгох юм. Бүлэг хуралдахын өмнө Ардчилсан намын Улс төрийн зөвлөл хуралдаж, дээрх асуудлыг хэлэлцсэн. Нэр бүхий хоёр гишүүн Ардчилсан намын бүлгийн даргад нэр дэвшихээр болсон байна. Тодруулбал, УИХ-ын гишүүн Х.Тэмүүжин , Б.Түвшин нар УИХ дахь Ардчилсан намын бүлгийн даргад нэр нь яригдаж байгаа юм байна. Гэхдээ бүлгийн гишүүдийн хувьд “Туршлага чухал байхын зэрэгцээ хэр олон хууль санаачилж, батлуулж, хуулийн төсөл боловсруулахад гар бие оролцсон бэ” гэдэг шалгуур мөн тавигдах ёстой. Дээр нь 42 гишүүнтэй бүлгийг нэг чигт нь зохион байгуулах, хүчтэй бүлгийн дарга байх ёстой гэдэг асуудлыг хөндөж байна. Мөн эрх баригч хүчин болох МАН-ын эсрэг хүчтэй тоглолт хийж чадах, төрийн гурван өндөрлөгт барьцаалагдахааргүй УИХ-ын гишүүн бүлгийг удирдах ёстой гэх шаардлага ч тавигдаж буй.
Ардчилсан намын дүрмээр намын дарга нь бүлгийн даргыг санал болгох юм.
°C