УИХ-ын чуулганы үдээс хойших нэгдсэн хуралдаан эхэллээ. Хуралдаанаар Төрөөс мөнгөний бодлогын талаар 2023 онд баримтлах үндсэн чиглэл батлах тухай” Улсын Их Хурлын тогтоолын төслийг үргэлжлүүлэн хэлэлцэж байна.
Энэ үеэр Монголбанкны ерөнхийлөгч Б.Лхагвасүрэн “Мөнгөний бодлогыг үндсэн намраас эхлээд чангаруулаад эхэлсэн. Хүүг энэ намраас өсгөөд явж байна. Өнөөдөр инфляци дээшээ өсөлт нь зогсож, зарим саруудад буурч байгаа маань үнийн бодлогын үр дүн нөлөө гарч байна гэж харж байна. Хоёрдугаарт, мөнгөний бодлого хүүгээр дамжихдаа шууд бус замаар нөлөөлдөг. Шууд бус зам гэдэгт, гишүүдийн хэлээд байгаа зээл олгохгүй байна, хүү өссөн гэдгээр тайлбарлагдаж болно. Энэ нь эдийн засгийн эрэлт талыг намдааж багасгаж байгаа гэсэн үг. Энэ утгаараа инфляцийг цааш нь өдөөх нөхцөл нь буурч байгаа гэж харж болно. Зөвхөн хүүгээр дамжихгүй заавал байлгах нөөц гээд олон арга байна. Эдийн засагт мөнгө нь өөрөө элбэгшиж, ихдэхээрээ инфляцийг өдөөдөг. Үүнийг бага байлгах үүднээс мөнгөний бодлого яваад байгаа. Гадны хөрөнгө оруулалт Монголруу орох урсгал бага байна. Гэхдээ зээлжих зэрэглэлийг хэвээр хадгалаад явж байгаа” гэв.
°C