Монгол Улсын Ерөнхий сайд Н.Учрал НҮБ-ын Хүний эрхийн дээд комиссар Фолькер Түркийг хүлээн авч уулзан, хүний эрхийг дээдлэх, хамгаалах чиглэлээр хэрэгжүүлж буй бодлого, хамтын ажиллагааны талаар санал солилцлоо. Уулзалтын үеэр Ерөнхий сайд “Чөлөөлье” санаачилгын хүрээнд эрх чөлөөг дэмжих, төрийн хүнд суртлыг бууруулах чиглэлд ажиллаж байгааг танилцуулсан юм. Фолькер Түрк аливаа бодлого, шийдвэрт нийгмийн эмзэг бүлгийн эрх ашгийг тусгах, хөгжлийн төлөвлөлтөд хүний эрх болон байгаль орчны асуудлыг хамтад нь авч үзэх нь чухал болохыг онцоллоо. Мөн НҮБ-ын Хүний эрхийн дээд комиссарын алба ирэх наймдугаар сард Монгол Улсад болох COP17 дугаар бага хурлын бэлтгэл ажилд дэмжлэг үзүүлэх баг илгээхээр болсон байна.
°C