УИХ-ын нэгдсэн хуралдаанаар “Хэрэг хянан шийдвэрлэх ажиллагаанд илэрч буй системийн зөрчил, хүний эрхийн баталгааг хангах арга хэмжээний тухай” тогтоолыг 5-р сарын 1-ний өдөр баталсан. Уг тогтоолоор хууль зөрчсөн шийдвэр, цагдан хорих таслан сэргийлэх арга хэмжээг хэтрүүлэн хэрэглэх, хүний эрхийн зөрчил зэрэг системийн доголдлыг арилгах зорилгоор Засгийн газарт цогц арга хэмжээ хэрэгжүүлэхийг даалгасан байна. Гол зохицуулалтад:
Өмгөөлөгчгүй байцаалт, мэдүүлэг авахыг таслан зогсоох;
Цагдан хорих арга хэмжээг хязгаарлах;
Эрүү шүүлтээр авсан мэдүүлгийг нотлох баримтад тооцохгүй байх;
Хэрэг хаах, сэргээх, хөөн хэлэлцэх хугацаанд нэгдсэн журам мөрдүүлэх;
Хууль сахиулагчдын ажлыг хүний эрхийн шалгуураар үнэлэх;
Гэрч, хохирогчийг хамгаалах тогтолцоо бий болгох;
Хохирогчдод нөхөн төлбөр, сэтгэл зүйн үйлчилгээ үзүүлэх;
Эрүү шүүлтийн хохирлыг буруутай этгээдээр төлүүлэх;
Эрүүгийн процессын “яллах давамгай” тогтолцоог шинэчлэх санал боловсруулж УИХ-д танилцуулах зэрэг багтжээ. Тогтоолын хэрэгжилтэд УИХ-ын Хууль зүйн байнгын хороо хяналт тавьж, жил бүр хяналтын сонсгол зохион байгуулахаар болсон байна.
°C