Хууль зүйн сайд Х.Нямбаатар өнөөдөр цаг үеийн асуудлаар сэтгүүлчдэд мэдээлэл өглөө.
Энэ үеэр Ж.Батзанданг биеийн байдлаар шалтаглаж, таслан сэргийлэх арга хэмжээгээ өөрчлүүлэх гэж байгаа гэх мэдээлэлд хариулт өгч, “Ж.Батзандан бид хоёр найзууд. Бид үзэл бодол адилхан, чиг баримжаа зэрэг, олон жил болж бүтэхгүй зүйлийг шүүмжилж тодорхой үр дүнд хүрсэн. АТГ-аас Ж.Батзандантай холбоотой хэргийг шалгаж, яллагдагчаар татаж, нэг сарын хугацаанд таслан сэргийлэх арга хэмжээ авсан гэх шүүхийн шийдвэрийг сонссон. Ж.Батзандангийн биеийн байдал ямар байгааг өмгөөлөгчөөс нь асуусан. Хавар хоёр удаа ходоодны болон өөр хагалгаанд орсон юм байна. Мөн өөрөө хүсэлт гаргасан юм байна.
Ходоодны дурангийн хагалгаанд орсон учраас цус алдах магадлалтай байгаа. Боломжтой бол “эмнэлгийн тусламж үзүүлээч ээ” гэж ШШГЕГ-ын хандсан гэдэг мэдээлэлтэй байна. АТГ-аас шалгалтын ажиллагаа явуулаад мэдэгдэх байх” гэсэн юм .
°C