УИХ-ын гишүүн Д.Сарангэрэлийг эгүүлэн татах асуудлаар Үндсэн хуулийн цэцэд хандсан талаар хэсэг өмгөөлөгчид мэдээлэл хийж байна.
Тодруулбал, Д.Сарангэрэл гишүүн ХНХЯ-ны сайдаар ажиллаж байхдаа олон нийтэд мэдээлэл өгөх үеэрээ амьдралын боломжгүй айл өрхүүдийг “Улны айл” гэж тодотгодог хэмээн хэлсэн нь олон нийтийн дургүйцлийг төрүүлсэн. Энэ үгнийхээ төлөө тэрбээр сайдын суудлаасаа огцроод байгаа билээ.
Тэгвэл өмгөөлөгчдийн төлөөлөл түүнийг УИХ-ын гишүүнээс нь эгүүлэн татах ёстой гэж үзэж байна. УИХ-ын гишүүн Д.Сарангэрэл нь иргэнийг нийгмийн гарал, хөрөнгө чинээ, эрхэлсэн ажил, албан тушаалаар нь ялгаварлан гадуурхаж, элдэв нэр хоч өгсөн. Энэ нь Үндсэн хуульд тод томруунаар заасан хүний эрхэд халдсан гэж үзэн ийнхүү Үндсэн хуулийн цэцэд хандаад байгаа аж. УИХ-ын гишүүн Үндсэн хууль зөрчвөл Үндсэн хуулийн цэц дүгнэлт гаргах заалттай юм.
°C