УИХ-ын дэд дарга Т.Аюурсайхан Хөдөлмөр, нийгмийн хамгааллын дэд сайдаар өнгөрсөн долоо хоногт томилогдсон. Тэгвэл түүний орыг залгаж парламентын дэд даргаар ажиллах хүн хэн байх вэ гэдэг асуудал олны анхаарлыг татаж байгаа.
Тэгвэл саяхан ард иргэдээ амьжиргааны түвшингээр ялгаварлаж “Улны” хэмээн тодотгон хэлж, олон нийтийн дүргүйцлийг хүргэж, сайдын суудлаасаа огцорсон Д.Сарангэрэлийг УИХ-ын дэд дарга болгох асуудал яригдаж эхэлсэн талаар саарал ордон дотроос дуулдаж эхэллээ.
Хэрэв МАН энэхүү томилгоог хийвэл иргэдийн хүчтэй эсэргүүцэлтэй тулгарч мэдэхээр байна. Учир нь Д.Сарангэрэлийг буруу үг хэлснийхээ төлөө сайдын суудлаасаа огцрох хангалтгүй гэж үзсэн иргэдийн төлөөлөл УИХ-ын гишүүнээс нь эгүүлэн татах асуудлаар Үндсэн хуулийн цэцэд хандаад байгаа билээ. Тэд Д.Сарангэрэлийг ард иргэдийг нийгмийн байр суурь, орлогоор нь ялгаварлан гадуурхаж, Үндсэн хууль зөрчсөн хэмээн үзэж байгаа юм. Үүнийхээ төлөө УИХ-ын гишүүнээсээ татгалзах ёстой гэх асуудал яригдаж байгаа үед МАН түүнийг УИХ-ын дэд даргаар томилох юм бол иргэдийн хүчтэй эсэргүүцэлтэй тулгарна. Улны хэмээн доромжлуулсан иргэд уурандаа Засгийн газрыг огцруулж, УИХ-ыг тараах ч асуудал ярьж мэдэхээр байна.
°C