Засгийн газрын өнөөдрийн хуралдаанаар "Эрдэнэс Тавантолгой" ХК-д зургаан сарын хугацаатайгаар онцгой дэглэм тогтоох шийдвэр гаргажээ. Засгийн газрын аравдугаар сарын 5-ны өдрийн хуралдаанаас гарсан 362 тогтоолын хэрэгжилтийг хангах буюу гадаад валютын нөөцийг нэмэгдүүлэх арга хэмжээтэй холбоотой аж.
Тус тогтоолын дагуу "Эрдэнэс Тавантолгой" ХК энэ оны төгсгөл гэхэд 500 сая ам.долларыг татан төвлөрүүлэх үүрэгтэй юм. Онцгой дэглэмийн хугацаанд компанийн үйлдвэрлэлийн үндсэн үйл ажиллагааны хэвийн нөхцөл байдлыг бүрэн хангана гэж ЗГХЭГ-ын дарга Д.Амарбаясгалан мэдээллээ.
Засгийн газраас гаргасан тогтоолыг танилцуулж байна.
- Төлбөрийн тэнцэл, алдагдал өндөр байгаа нөхцөлд гадаад валютын урсгалыг нэмэх зорилгоор ЗГ-ын 362 дугаар тогтоолыг харгалзан “Эрдэнэс Тавантолгой” ХК-д зургаан сарын хугацаатай онцгой дэглэм тогтоосугай
- “Эрдэнэс Тавантолгой” ХК-д тогтоосон онцгой дэглэмийн хугацаанд Монгол Улсын Засгийн газарт эрх олгох тухай хууль энэ тогтоолд заасан арга хэмжээг авч хэрэгжүүлэхэд компанийн үндсэн үйл ажиллагаа, удирдлага зохион байгуулалт, төлбөр тооцоог сайжруулж орлогыг нэмэгдүүлэх асуудлуудыг шийдвэрлэх,
- Шаардлагатай бол холбогдох албан тушаалтныг томилж, чөлөөлөхийг Засгийн газрын онцгой бүрэн эрхт төлөөлөгч Ж.Ганбатад
- Компанийн үйлдвэрлэл, технологийн аюулгүй байдлын журмыг тогтоож, тэдгээрийг мөрдүүлэхийг Засгийн газрын онцгой бүрэн эрхт төлөөлөгч Ж.Ганбатад
- Тавантолгой нүүрсний ордоос нүүрс ачиж, тээвэрлэх, хил нэвтрүүлэхэд бүхий л хяналтыг сайжруулах, шаардлагатай арга хэмжээг тухай бүрд нь авч хэрэгжүүлэхийг мөн үүрэг болгосугай
- Компанийн үйл ажиллагаанд иж бүрэн хамтарсан хяналт шалгалт хийж, дүнг Засгийн газрын хуралдаанд танилцуулахыг Сангийн сайд, Эдийн засгийн хөгжлийн сайд, УУХҮ-ийн сайд Ж.Ганбаатар, Төрийн өмчийн бодлого зохицуулалтын газрын дарга Цэнгэл нарт,
- Гадаад валютын нөөцийг нэмэгдүүлэх зорилгоор авах зарим арга хэмжээний тухай 362 дугаар тогтоолын хэрэгжилтийг хангаж ажиллахыг тус тус даалгалаа.
°C