УИХ-ын чуулганы өнөөдрийн нэгдсэн хуралдаанаар “Төрөөс мөнгөний бодлогын талаар 2023 онд баримтлах үндсэн чиглэл батлах тухай” тогтоолын төслийг хэлэлцэж, эцсийн хэлэлцүүлэгт бэлтгүүлэхээр Эдийн засгийн байнгын хороонд шилжүүллээ.
Тогтоолын төсөлтэй холбогдуулан УИХ-ын гишүүд байр сууриа илэрхийлсэн бөгөөд УИХ-ын гишүүн Ц.Мөнх-Оргил гадны банк оруулж ирэх тухай асуудлыг хөндлөө.
Тэрбээр "Гадны банк оруулж ирэхээс нааш Монгол Улсад үнэ өртөг буурна гэж байхгүй. Нөгөө хэдэн төгрөг л эргэлдээд байгаа учраас улам л хүү нь нэмэгдэнэ. Энэ хууль орж ирснээс хойш УИХ дээр гурав дахь жилийнхээ нүүрийг үзэж байна. Бид ичиж амьдармаар байна. Уг хуулийг хурдан баталмаар байгаа юм. Тухайн хуулийг батлахгүйгээр мөнгөний бодлого яриад нэмэргүй.Гаднын банк оруулж ирэх хуулиа хурдан баталж, банк санхүүгийн салбарыг эрүүлжүүлмээр байна. Бид өөрсдөө ажлаа хийхгүй байна" гэсэн юм.
°C