Гадаадын хөрөнгө оруулагчдын эрх ашгийг хамгаалах ажлын хэсэг өнгөрсөн долоо хоногт хуралдаж, хуралдааны талаар Хууль зүй, дотоод хэргийн сайд Х.Нямбаатар мэдээлэл хийсэн. Энэ үеэрээ Монгол улсын ерөнхий прокуророор ажиллаж байсан Д.Дорлигжавтай холбоотой хэргийг танилцууллаа.
Түүнийг гадаадын иргэнийг дарамталж, зочид буудлыг нь дээрэмдэж авсан хэмээсэн юм. Тодруулбал, 8087…дугаараас "Токио инн" зочид буудлын эзэн гадаадын иргэнийг улсын Ерөнхий прокурор асан Д.Дорлигжав нь хэрэгт холбогдуулан дарамталж, зочид буудлыг дээрэмдэж авсан гэжээ. Хууль зүй дотоод хэргийн сайдын энэхүү мэдээлэл өнгөрсөн долоо хоногт олон нийтийн анхаарлын төвд байлаа. Тэгвэл уг хэрэг хэрхэн шийдэгдэх вэ гэдэг хүлээлт иргэдийн дунд үүсээд байна.
Ямартай ч Х.Нямбаатар сайд “Ажлын хэсгээс 77877768 тусгай утасны дугаар нээж, олон нийтээс мэдээлэл авч байна. Нийт найман гомдол ирснийг хууль хяналтын байгууллагад шилжүүлсэн” гэж мэдэгдээд байгаа билээ.
°C