Засгийн газрын ээлжит хуралдаанаас гарсан шийдвэрийг танилцуулж байна.
ЗГХЭГ-ын дарга Д.Амарбаясгалан “Нийт 21 асуудал хэлэлцлээ. Нэгдүгээрт, Засгийн газрын авто баазын шинэчлэлттэй холбоотой асуудлаар мэдээлэл өгье. Энэ газрыг өөрчлөн зохион байгуулах, бүтцийг оновчтой болгохоор болсон. Улмаар төрийн өмчит аж ахуйн үйлдвэрийн газар болгож өөрчиллөө. Энэхүү газар нь 164 авто тээврийн хэрэгсэл, 210 орчим ажилтан албан хаагчидтай байсан. Цаашдаа 100 автомашин, 105 ажилтан албан хаагчтай болголоо. Авто баазыг олон улсын стандартад нийцсэн орчин үеийн стандартыг хангасан байдлаар явуулна. Төрийн нарийн бичгийн даргаас доош албан тушаалтай алба хаагчдыг төрийн автомашин унахыг хориглосон. Зайлшгүй тохиолдолд төрийн авто баазын машиныг дуудлагын үйлчилгээгээр явуулж болно. Мөн үүнд лимит тогтоосон. Төсвийн хэмнэлтийн хуулиар нийт 250 автомашиныг хураан төвлөрүүлсэн. Ойрын хугацаанд дахин ийм тооны автомашин хурааж, шаардлагатай газар нь хэрэгцээнд нь зориулж тарааж өгнө” гэлээ.
°C