УИХ-ын гишүүн С.Ганбаатар дөнгөж сая мэдээлэл хийж нүүрсний хулгайчдыг нэрлэв. Түүний нэрлэсэн нэр бүхий хүмүүс нь Монголын томоохон бизнес эрхлэгчид байсан юм. Тодруулбал, АПУ ХК-ийн П.Батсайхан, МСS группийн Ерөнхийлөгч Ж.Оджаргал, Голомт банкны ТУЗ-ийн дарга Д.Баясгалан нарыг нүүрс хулгайлдаг бүлэглэлийн толгойлогчид хэмээн мэдэгдлээ. Түүнчлэн тэдний гар хөл болсон гишүүд байгаа гэдгийг мөн мэдээлэл хийх үеэрээ тодотгож байсан юм. Дээрх нэр дурдсан хүмүүсийг АТГ-т өгч шалгуулна гэлээ.
Тэрбээр “ Монгол оронд нүүрсний хулгайн аймшигтай том хулгай нүүрлэлээ. Хэдэн их наяд, хэдэн сая тонн нүүрс гарсан талаар сүүлийн долоо хоног шуурч байна. У.Хүрэлсүх, Г.Занданшатар, Л.Оюун-Эрдэнэ гурав ажлаа хийхгүй байна. Мөн шүүх, цагдаа, АТГ зэрэг холбогдох байгууллагууд огт хөдлөхгүй байна. Эд нар Монголын ард түмний татварын мөнгөөр цалинжиж байгаа.Нүүрсчид төрийн гурван өндөрлөгийг худалдаж авсан. Тэд нүүрсний хулгайчдын хэргийг төрийн нууцад хамруулж байна. Харин үүнийг ард түмэнд нээлттэй мэдээлэх нь УИХ-ын гишүүний үүрэг” гэлээ.
°C